डब्लुएचओको टोली कोरोना भाइरसको स्रोत पत्ता लगाउन आगामी साता चीन जाने


  • अर्थ पूर्ण
  • मङ्लबार, असार १६, २०७७

एजेन्सी– विश्व स्वास्थ्य संगठनले कोरोना भाइरसको स्रोत पत्ता लगाउन एक टोली चीन पठाउने भएको छ।

डब्लुएचओ टोली आगामी साता चीन जाने जनाइएको छ। डब्लुएचओ अधिकारीहरुले गत मेको सुरुदेखि नै कोरोना कहाँबाट फैलिएको हो भन्नेबारेमा अध्ययन गर्न विशेषज्ञको टोली बोलाउन चीनसँग आग्रह गर्दै आएको छ।

डब्लुएचओ प्रमुख टेड्रोस एडहानमले एक भर्चुअल पत्रकार सम्मेलनमा भने, ‘भाइरसका बारेमा थाहा भएपछि हामी त्यसविरुद्ध प्रभावकारी तरिकाबाट लड्न सक्छौं, कहाँबाट सुरु भयो भन्नेबारेमा पत्ता लगाउनु आवश्यक छ, त्यसका लागि हामी आगामी साता आफ्नो टोलीलाई चीन पठाउँदैछौं, आशा छ यसबाट भाइरस उत्पत्तिका बारेमा बुझ्न मद्दत मिल्नेछ।’

टोलीमा को–को रहनेछन् भन्नेबारेमा भने डब्लुएचओले स्पष्ट पारेको छैन। वैज्ञानिकरुले भाइरस चीनको वुहान सहरस्थित जनावरको बजारबाट फैलिएको अनुमान गर्दै आएका छन्।

प्रतिक्रिया

सोसाईटी मिडिया प्रा.लि.
अनामनगर, काठमाडौं
सम्पर्क : 9801165901

सोसाईटी मिडिया प्रा.लि.  द्वारा संचालित www.arthapurna.com का लागी

प्रधानसम्पादक : नकुल अर्याल
सम्पादक अम्बिका घिमिरे ।
सूचना विभाग दर्ता नम्बर : 1514/076/077


© copyright 2020 and all right reserved to Artha Purna Site By : SobizTrend Technology