एफएनसीसीआईको चुनाव तीन स्थानबाट हुने


  • अर्थ पूर्ण
  • शुक्रबार, अशोज ३०, २०७७

काठमाडौं । नेपाल उद्योग बाणिज्य महासंघको निर्वाचन काठमाडौंका तीन स्थानमा हुने भएको छ । मंसिर ११ देखि १३ गतेसम्म काठमाडौंमा साधारण सभा र निर्वाचन हुने महासंघका उपाध्यक्ष उमेशलाल श्रेष्ठले बताए ।

जिल्ला प्रशासन कार्यालयसँग उपत्यकाभित्र चुनाव गराउने स्थिान माग गरेका थियौं त्यसैले जिल्ला प्रशासन कार्यालयले भने केहि किलोमिटरको दुरीमा तीन स्थान भनेर स्थान भनेको छ उनले भने । उनका अनुसार काठमाडौं जिल्लाका तीन स्थान महासंघका केन्द्रीय कार्याल टेकु, प्रज्ञाप्रष्ठिान कमलादी र ३ सयभन्दा बढी मानिस अट्ने कुनै पनि ब्याङ्केटमा हुने उनले बताए ।

उद्घाटन कार्यक्रम मंसिर ११ गते अपरान्ह ४ बजेदेखि अनलाइनबाट शुरू हुने उनले बताए । उद्घाटन कार्यक्रम भर्चुअल अनलाइनबाट हुने महासंघका उपाध्यक्ष श्रेष्ठले बताए । यस्तै १२ गते बन्द सत्र हुने आज जारी गरेको सूचनामा जनाइएको छ । १३ गते निर्वाचन हुने महासंघले जनाएको छ । नेपाल प्रज्ञा प्रतिष्ठान कमलादी, कार्की ब्याङ्केट बबरमहल र महासंघ कार्यालय टेकुमा निर्वाचनका कार्यक्रम हुने सूचनामा उल्लेख गरेको छ।

महासंघको वरिष्ठ उपाध्यक्ष, उपाध्यक्षहरू र कार्यकारिणी समिति सदस्यहरूको निर्वाचन हुन लागेको उक्त दिन हुने छ । कोरोना भाइरस महामारीका बीच स्वास्थ्य सुरक्षा सम्बन्धी सबै मापदण्ड पालना गरी निर्वाचन गर्न लागिएको महासंघले सूचना निकालेर जानकारी दिएको छ ।

महासंघमा ११ सदस्यहरु छन् । महासंघका केन्द्रीय कार्यसमितिको निर्वाचनम भाग लिन ४५० जना प्रतिनिधि काठमाडौं आउने छन् । महासंघको निर्वाचनका लागि बस्तुगत संघबाट १०१ जना भोटर रहेका छन भने जिल्ला प्रतिनिधिहरु १०६ जना भोटर रहेका छन् । सबैभन्दा बढी भोटर एसोसिएट्स तर्फ रहेका छन् । करिब २५०को हाराहारीमा एसोसिएट्स तर्फबाट भोटर रहेका छन् ।

प्रतिक्रिया

अर्थपूर्ण मिडिया प्रा.लि.
अनामनगर, काठमाडौं
सम्पर्क : 9801165901

अर्थपूर्ण मिडिया प्रा.लि.  द्वारा संचालित www.arthapurna.com का लागि

प्रधानसम्पादक : नकुल अर्याल
सम्पादक : अम्बिका घिमिरे ।


© copyright 2020 and all right reserved to Artha Purna Site By : SobizTrend Technology