बैंगलोरले हरायो राजस्थानलाई


  • अर्थ पूर्ण
  • शनिबार, कार्तिक १, २०७७

एजेन्सी । इण्डियन प्रिमियर लिग (आईपीएल) अन्तर्गत आजको पहिलो खेलमा रोयल च्यालेन्जर्स बैंगलोरले राजस्थान रोयल्सलाई सात विकेटले हराएको छ। एबी डिभिलिर्यसको अर्धशतकको मद्दतमा बैंगलोरले जित हात पारेको हो।

टस जितेर पहिले ब्याटिङ गरेको राजस्थानले निर्धारित २० ओभरमा ६ विकेटको क्षतिमा १ सय ७७ रन बनाएको थियो।

राजस्थानका लागि कप्तान स्टिभेन स्मिथले ५७, रोविन उथप्पाले ४१, जोस बट्लरले २४, राहुल टेवटियाले १९ र बेन स्टोकले १५ रन जोडेका थिए।

बलिङतर्फ बैंगलोरका क्रिस मोरिसले चार र युवेन्द्र चहलले दुई विकेट लिएका थिए।

यस्तै १७८ रनको लक्ष्य पछ्याएर जवाफी व्याटिङमा उत्रिएको ब‌ैंगलोरले १९ ओभर चार बलमा तीन विके‍टको क्षतिमा लक्ष्य पूरा गरेको हो।

विष्फोटक ब्याटिङ गरेका बैंगलोरका एबी डिभिलियर्सले २२ बलमा ५५ रन बनाए। यस्तै विराट कोहलीले ४३ र देवदत्त पाटिकलले ३५ रन बनाए।

राजस्थानका राहुल टेवटिया, कार्तिक त्यागी र श्रेयस गोपालले बैंगलोरका एक–एक लिएपनि राजस्थानलाई जिताउन सकेनन्।

प्रतिक्रिया

अर्थपूर्ण मिडिया प्रा.लि.
अनामनगर, काठमाडौं
सम्पर्क : 9801165901

अर्थपूर्ण मिडिया प्रा.लि.  द्वारा संचालित www.arthapurna.com का लागि

प्रधानसम्पादक : नकुल अर्याल
सम्पादक : अम्बिका घिमिरे ।


© copyright 2020 and all right reserved to Artha Purna Site By : SobizTrend Technology