सिटिजन लाइफ चौथो वर्षमा प्रबेश


  • अर्थ पूर्ण
  • सोमवार, कार्तिक ३, २०७७

काठमाडौं । नयाँ जीबन बीमा कम्पनीमध्यबाट आफुलाई अग्रणी बनाउन सफल सिटिजन लाइफ इन्स्योरेन्स कम्पनी हिजो बाट चौथो वर्षमा प्रबेश गरेको छ । २०७४ साल कार्तिक २ गतेबाट कारोबार सुरु गरेको कम्पनीले आइतबार तेस्रो बार्षिकोत्सव मनाएको हो ।
कम्पनीले तेस्रो बार्षिकोत्सवको अवसरमा कम्पनीको लोगोको प्रतिक नयाँ मस्कट समेत सार्वजनिक गरेको छ

कोरोना महामारी बिच सम्पन्न बार्षिकोत्सव कार्यक्रममा कम्पनीका सिईओ पोषक पौडेलले अवसरमा कम्पनी यस स्थानसम्म आईपुग्न सहयोग गर्ने बीमा समिति, बीमित, अभिकर्ता, कम्पनीमा आवद्ध सम्पूर्णलाई धन्यवाद दिएका थिए । स्थापना तेस्रो वर्ष पुरा गरी चौथो वर्षमा प्रवेश गरेको अवसरमा कम्पनीले आगामी दिनमा बीमामा जनचेतना अभियानमार्फत व्यवसाय बृद्धि गर्ने, बीमाको पहुँच बृद्धि गर्न योगदान पुर्याउने, दीर्घकालिन रुपमा बीमा व्यवसायमा ध्यान दिने प्रतिबद्धता जनाएको छ ।

कम्पनीले आज बिज्ञप्ति जारी गर्दै भनेको छ, ‘हरेक विषम परिस्थितिलाई अवसरको रुपमा लिदै आगामी दिनमा कम्पनीले उपलब्ध गराउने सेवाहरुलाई अझै ग्राहक केन्द्रित र प्रविधिमुखी बनाउँदै लैजाने उद्धेश्यका साथ डिजिटल सिटिजन कार्यक्रम, हरेक व्यक्तिलाई स्वरोजगार बनाउने सिटिजन स्वरोजगार अभियान र बीमाको सचेतना बढाउन विद्यार्थीसंग बीमा जस्ता विभिन्न कार्यक्रमहरु लगायत नवीनतम बीमा योजना र व्यवसायिक तथा दक्ष सिटिजन लिडरहरु सहितको सिटिजन टिम मार्फत कम्पनीले भविष्यमा वित्तीय तथा सामाजिक लक्ष्य हासिल गर्दै उत्कृष्ट सेवा प्रदान गर्ने प्रतिबद्धता जाहेर गर्दछ ।’

दशैंको पूर्वसन्ध्यामा परेको बार्षिकोत्सवको अवसरमा कम्पनीले राष्ट्रिय पर्व विजया दशमीको पावन अवसरमा सम्पूर्ण नेपालीहरुलाई हार्दिक मङ्गलमय शुभकामना व्यक्त गरेको छ ।

कम्पनीको तीन अर्ब अधिकृत पुँजि, साढे दुई अर्ब जारी पुँजि र एक अर्ब ७५ करोड चुक्ता पुजि छ । कम्पनीले आगामी वर्ष आईपिओ जारी गर्नेछ । कम्पनीले गत आवमा २० करोड सात लाख १८ हजार रुपैयाँ मुनाफा आर्जन गरेको छ । कम्पनीले जीवन बीमा कोषमा एक अर्ब ६७ करोड ८८ लाख रुपैयाँ भन्दा बढि जम्मा गरिसकेको छ भने अन्य सूचांकहरु समेत राम्रा छन् ।

प्रतिक्रिया

अर्थपूर्ण मिडिया प्रा.लि.
अनामनगर, काठमाडौं
सम्पर्क : 9843147644

अर्थपूर्ण मिडिया प्रा.लि.  द्वारा संचालित www.arthapurna.com का लागि

सम्पादक : अम्बिका घिमिरे ।


© copyright 2021 and all right reserved to Artha Purna Site By : SobizTrend Technology